Modelja e “ICON”, protagoniste e klipit më të fundit të Brunos (VIDEO)

“Ajo” nuk është vetëm e bukur dhe joshëse, por shumë profesioniste. Ndërsa ne e kemi fjalën për modelen e “ICON Agency”, Alesia Noka, projekti më i ri i këngëtarit Bruno vjen me këtë përemër.

Alesia ishte zgjedhja e parë e klipit më të ri të Brunos, që pritet të publikohet shumë shpejt. 16-vjeçarja është protagonistja e videoklipit, që tregon një histori moderne, me dilemat e çifteve në ditët e sotme.

Në një intervistë të saj për “ICON”, modelja tregon se në këngë flitet për të rinj konfuzë që zakonisht ngatërrojnë ndjenjat me seksin.

“Roli im është i një vajzë që shkon nga pas një djali, historia më kushtohet “mua”, por për një tradhti”, rrëfen Alesia, ndërsa buzëqesh. Ajo ndryshe nga personazhi që luan në video, është herët që të mendojë për një ngjarje të tillë në jetën e saj.

Modelja Alesia Noka hyn shumë mirë në rol, duke luajtur sensualen dhe joshësen, por gjithmonë larg vulgaritetit.

Si një eksperiencë e parë në videoklip ajo shprehet se, “ishte diçka e bukur, një kohë e kaluar mirë me njerëzit e duhur”. Pavarësisht lodhjes dhe zbardhjes së ditës me xhirimet, për të rëndësi ka që gjithçka përfundoi në mënyrën e duhur dhe sipas pritshmërisë së të gjithëve.

Detajet që ndodhin në off-record janë ato që të mbeten më shumë në mendje dhe Alesia tregon atë që e bëri të qeshte: “Dy skenat e puthjes ishin pjesët që mbaj mend që kemi qeshur, sepse Bruno në një moment më shtyn pas një dollapi dhe ishte ajo e qeshura që mezi mbahej dhe ai shikimi: “A u vrave?”.