Mbajtja e unazës shpesh komunikon një lloj mesazhi ndaj vetes dhe ndaj botës. Mbajtja e unazave në ndonjë gisht të caktuar, zakonisht është e lidhur me dëshirën për ta rritur fuqinë me të cilën është i lidhur ai gisht. Meqë truri i majtë është përgjegjës për aspektin logjik dhe e kontrollon dorën e djathtë, është gjë e logjikshme të mendohet që mbajtja e unazës në dorën e djathtë paraqet një veprim logjik dhe të qëllimshëm si dhe dëshirën për ta kontrolluar jetën dhe veprimet e dikujt tjetër. Meqë truri i djathtë e kontrollon dorën e majtë dhe kreativitetin, unazat në dorën e majtë paraqesin besim, kreativitet dhe qëndrim.
Domethënia e mbajtjes së unazës sipas gishtave
Gishti i madh
Fuqia e vullnetit
Gishti i madh paraqet logjikën dhe fuqinë e vullnetit, kujdeset për personalitetin tonë dhe i kontrollon veprimet tona. Ky gisht është simbol i fuqisë si dhe i mendimeve të pavarura dhe lirisë.
Gishti tregues
Autoritet dhe ambicie
Ky gisht paraqet nevojën tonë për ta rritur egon tonë dhe për të krijuar autoritet dhe fuqi. Ky gisht po ashtu lidhet me aftësi drejtuese dhe ambicie. Mbretërit mbanin unaza në gishtin tregues, sepse njerëzit mendonin që ky gisht ishte shumë i fuqishëm.
Gishti i mesëm
Identitet dhe materializëm
Ky është gishti më i gjatë dhe për këtë shkak shpesh është i lidhur me qëllimin tonë në jetë. Njerëzit që mbajnë unazë në këtë gisht, zakonisht kanë dëshirë të jenë në qendër të vëmendjes.
Gishti i unazës
Emocione, kreativitet dhe guxim
Mbajtja e unazës në gishtin e unazës paraqet lidhjen me zemrën, pasi mendohet se ky gisht është i lidhur me arterien e cila kalon në zemër. Për këtë arsye, ky gisht shpesh lidhet me ndjenjat tona të dashurisë dhe përkushtimit. Nëse unazën e ka blerë vetë personi që e mban unazën, atëherë ajo paraqet egoizëm, mendjemadhësi dhe besim në talentin personal.
Gishti i vogël
Siguri në biznes dhe lidhje
Unazat në gishtin e vogël paraqesin siguri në biznes dhe lidhje personale. Ky gisht është simbol i fuqisë dhe përkushtimit ndaj të tjerëve. Meqë është i kundërt me gishtin e pavarur, ky gisht shpesh është i lidhur me qëndrimet tona ndaj njerëzve të tjerë, me jetën tonë private dhe botën materiale. Gishti i vogël del përballë botës dhe kujdeset për ne, ashtu siç kujdesen për ne edhe miqtë tanë të vërtetë. Mbajtja e shumë unazave, zakonisht është shenjë që personi i caktuar dëshiron ta tërheqë vëmendjen e njerëzve të tjerë.
Llojet e unazave
Përveç informatave lidhur me kuptimin e mbajtjes së unazave në gishta të ndryshëm, është me rëndësi të kuptoni që mbajtja e unazave mund të jetë në të njëjtën kohë tradicionale dhe jashtëzakonisht kreative. Ja disa llojet më të shpeshta të unazave:
Unazat e para-fejesës
Shumë çifte të dashuruara ndjejnë që ekziston një fazë në lidhjen e tyre kur ende nuk janë gati për fejesë, por në anën tjetër, ndjenja e përkushtimit të ndërsjellë në mes tyre është tashmë mjaft e fuqishme.
Unazat e sinqeritetit
Ky është një variacion më i ri i unazave të zotimit, të cilat shpesh njihen edhe si unaza të pastërtisë morale. Në fillim, këto unaza ishin shumë të lira, por kohët e fundit, këto unaza kanë evoluar në stilin e tyre dhe tani shpesh bëhen nga ari, titani ose platini. Këto unaza i mbajnë tinejxherët e gjinisë mashkullore dhe femërore.
Unazat e zotimit
Simbolizojnë lidhje ekskluzivisht monogamie, kur dy të dashuruar nuk janë të interesuar të martohen ose të fejohen menjëherë, por në anën tjetër, dëshirojnë ta konfirmojnë dashurinë e madhe dhe përkushtimin që kanë për njëri-tjetrin. Ata i shkëmbejnë këto unaza ose njëri nga partnerët fillon ta mbajë këtë unazë në mënyrë alternative. Këto unaza i ngjajnë shpesh unazave të martesës, pasi janë të bëra nga ari dhe zakonisht kanë diamante të posaçme.
Unazat e miqësisë
Dhe pse nënkuptohet që rëndësia emocionale e unazave të miqësisë nuk është aq e madhe në krahasim me unazat e lidhjeve romantike, unazat e miqësisë megjithatë kanë një traditë mjaft të gjatë. Unazat e miqësisë nuk kërkojnë ndonjë luks të posaçëm dhe këto unaza mund t’i mbajnë si meshkujt ashtu edhe femrat.
*Foto: Unazat nga Swarovski, modele “ICON” Megli Haskaj
