Të gjithë e kemi provuar atë ndjenjën kur arrijmë në destinacion dhe nuk kemi marrë dy-tre gjërat që na shkonin kaq shumë. A nuk ju vjen inat kur shikoni se keni harruar edhe atletet? Për të zgjidhur të problemet tuaja kur jeni me pushime, të paktën disa prej tyre, lexoni këto shtatë këshilla të dobishme.
Planifikoni
Përpara se të niseni shihni parashikimin e motit, kështu do të keni një ide më të qartë se cilat veshje do t’ju nevojiten më shumë. Megjithatë, nëse parashikimi thotë që do të jetë nxehtë, gjithsesi merreni një triko dhe një palë këpucë të ngrohta me vete. Nëse parashikon se do të jetë ftohtë, nuk bëni gabim të fusni në valixhe një palë pantallona të shkurta ose fustanin tuaj romantik. Asnjëherë nuk i dihet. Disa veshje mund të planifikoni t’i vishni dy herë duke i kombinuar ndryshe, në këtë mënyrë zvogëloni numrin e veshjeve që do të merrni.
Vishni
Është e pamundur që disa veshje të renda e që zënë shumë vend të paketohen. Pse të mos i vishni gjatë udhëtimit? Nëse keni vendosur të merrni një xhaketë, visheni! Kështu do t’i krijoni hapësirë dickaje tjetër.
Paketimi vakum
Në qoftë se nuk po vendosni dot dhe doni t’i merrni të gjitha me vete, ju vjen në ndihmë gjithmonë paketimi vakum. Vetëm, sigurohuni që atje ku po shkoni të ketë vakum, përndryshe do të përfundoni me një ton rroba që nuk do dini si t’i ripaketoni.
Paketoni çfarë vishni
Edhe pse gardërobat tona janë duke rënë, përgjithësisht ne jemi të prirur të përdorim vetëm një të dhjetën e tyre. Tregohuni realist, merrni me vete çfarë vishni. Nëse keni një fustan që nuk e keni veshur kurrë dhe ka ndenjur për vite me radhë varur, mendoni se do ta vishni kur jeni me pushime? Me shumë mundësi jo! Merrni veshjet tuaja të preferuara. Pantallonat e shkurtra që ju rrinë më mirë dhe vishini me një bluzë të re, bluza mund të kombinohet shumë mirë edhe me një fund të gjatë. Kështu pra, do të keni disa veshje dhe më pak rroba. Kthehemi në fillim, planifikoni.
Rrotullojini
Kur dëgjova për herë të parë për këtë mënyrë, mendova se do të krijonte hapësirë, por jo shumë. Kur e provova, funksionoi për mrekulli, veçanërisht për materialet xhins dhe pambuk.
Më pak këpucë
Nuk ekziston asnjë mënyrë për të zvogëluar madhësinë e këpucëve, për fat të keq. Nëse doni të merrni më shumë rroba, numri i këpucëve duhet ulur. Mundohuni të zgjidhni ato që shkojnë me çdo veshje.
Aksesorë
Aksesoret mund ta ndryshojnë tërësisht një veshje, nga e zakonshme në përrallore. Mund të bëjnë që edhe e njëjta veshje të duket krejtësisht ndryshe duke përdorur të tjerë aksesore. Kështu, duke ndryshuar aksesorët do të keni dy veshje në një.
Provoni disa nga këto këshilla dhe do të keni të gjitha rrobat që ju duhen në gjysmën e bagazheve.
