Këngëtarja shqiptare Dua Lipa ka ndarë me fansat e saj një lajm mjaft emocionues. Dua do të jetë në kopertinën e revistës së famshme “Vogue” në Britaninë e Madhe për muajin nëntor.
Këngëtarja Dua Lipa pritet të jetë një nga emrat më të suksesshëm të muzikës në tregun ndërkombëtar. Ditë më parë u bë e ditur se këngëtarja ka arritur të nominohet në njërën nga kategoritë në “MTV EMA 2016”, e ndërsa sot (e martë) këngëtarja ka publikuar në Instagram një tjetër sukses të saj.
“Kam qenë shumë entuziaste gjersa prisja më në fund t’ua prezantoja juve këtë gjë! Aktualisht po pickoj veten time. Faleminderit të gjithë ekipit që më zgjodhi, sidomos që jam muzikantja e parë në këtë kopertinë”, kanë qenë fjalët e këngëtares në “Instagram”.
