Blogerja e njohur Armina Mevlani është përzgjedhur sërish si një ndër vajzat e veshura më bukur në stilin e rrugës në Javën e Modës në Paris.
Bukuroshja shqiptare është vlerësuar nga revista prestigjioze “Elle”, si një ndër paraqitjet më të mira të stilit të rrugës. Lajmi është bërë i ditur nga vetë Armina Mevlani në faqen e saj në “Facebook”.
“Elle përzgjedh look-un tim të djeshëm serish! Ky look ishte look-u im pranë sfilatës së Valentino-s me një bluze vintage që i përket vitit 1890! Inspiruar nga filmi Drakula i viteve ’90”, shkruan ajo.
Armina Mevlani është renditur krah emrave të njohur të blogereve të modës si: Chiara Feragni, Ashley Simpson, Lena Perminova, Mira Duma etj.
Kjo nuk është hera e parë që ajo përzgjidhet për veshjen e saj. Armina Mevlani gjithashtu tërhoqi vëmendjen e italianëve, me pjesëmarrjen e saj në Javën e Modës në Milano.
