Anxhela Meçani është vajza e cila ndërroi jetë para pak ditësh në Itali, pasi u dhunua dhe u hodh nga dritarja e një makine që ishte në ecje në Torino.
Pas kësaj ngjarjeje kaq tronditëse , kanë reaguar edhe familjarët e të ndjerës. Ka qënë babai i Anxhelës ai i cili në një intervistë për “Balkanweb” ka kërkuar të zbardhet ngjarja dhe të vihet drejtësi për vajzën e tij. Veç dhimbjes dhe hidhërimit të madh për humbjen e vajzës në moshën 20 – vjeçare ai është i shqetësuar sepse nuk ka mundësi të sjellë në Shqipëri trupin e të bijës.
Më tej ai tregoi se vajza ishte larguar nga Shqipëria me një djalë shqiptar, por më vonë ishte martuar me një italian dhe rrëfeu se për shkak të dokumentave, e bija nuk kishte mundur të merrte pjesë as në varrimin e së ëmës e cila ishte ndarë nga jeta 5 muaj më parë.
Gjatë intervistës për “Balkanweb” ai tregoi edhe momentin e trishtë se si e kishin marrë vesh ngjarjen tragjike.
Si e morët vesh vdekjen e vajzës tuaj?
E morëm vesh nga televizioni dhe interneti. Vajza e pa dhe më njoftoi se kishte parë emrin e së motrës në internet ku thuhej se ajo ishte vrarë. Shkova në polici dhe atje më morën disa të dhëna. Ata arritën të nxirrnin në sistem datën kur vajza ishte larguar për atje, më 17 dhjetor. Më pas kontaktova me ambasadën shqiptare në Itali, nga e cila u njoftova se vajza kishte vdekur në Torino dhe duhet të tërhiqnim trupin e saj. Por ne nuk kemi mundësi financiare, jemi me ekonomi të dobët. Bashkë me vajzën që më vdiq kam 4 fëmijë, bashkëshortja më vdiq para 5 muajsh. Dua që ambasada të më ndihmojë, të më sjellë vajzën, nuk dua që trupi i saj të më ngelet në Itali.
Me kë shkoi vazja në Itali?
Ajo thoshte se kishte një të dashur, por ne nuk e njhnim atë. Kaq! Nuk mori ndonjëherë në telefon apo të kishte ndonjë kantakt me ne.
Me aq sa ju ka treguar vajza juaj apo të tjerë. A kishte lidhur martesë ajo atje?
Thoshte që kishte lidhur martesë me një italian atje, pak moshë e madhe. Edhe kur më vdiq gruaja nuk ka ardhur pasi nuk kishte dokumente. Tani ku e di unë…
Thuhet se vajza ka qënë e gjallë kur është hedhur nga dritarja e makinës. Çfarë kërkoni?
Unë dua drejtësi! Ajo duhet të nxjerrë gjithçka në pah. Nuk vë dot gisht, ky apo ai, pasi nuk e di. Vajza ka qënë në Itali.
Nuk të është ankuar për ndonjë problem?
Jo, jo nuk më është ankuar. Kishim kontakte në telefon, madje pak pas ngjarjes më erdhën ca gjëra nga motra e saj dhe më tha “dil e merri”. Folëm edhe në darkë, por nga e diela s’kemi folur më. Kur kemi folur në nternet apo telefon më thoshte që ishte mirë, s’kishte asgjë.
Me dëshirën e saj u largua drejt Italisë?
Ajo iku me dëshirën e saj, nuk e ka imponuar askush.
