Tragjedia e futbollit brazilian, skuadra shuhet pas rrëzimit të avionit (FOTO)

J Caushi Postuar ne 29 Nentor 2016,13:06:42

Një avion me 81 persona, përfshirë një skuadër futbolli brazilian që u detyrua të ndryshonte fluturim në minutën e fundit, është përplasur në malet kolumbiane. Sipas raportimeve vendase ka vetëm pesë të mbijetuar.

Skuadra e futbollit Chapecoense ishte rrugës nga Bolivia për në aeroportin e Kolumbisë për të luajtur finalen e Copa Sudamerica.

Futbollistët u detyruan që të ndryshonin fluturimin pasi autoritetet e aviacionit brazilian i ndaluan që të merrnin një avion çarter.

Mbrojtësi 27-vjeçar Alan Ruschel, portierët Jakson Follmann dhe Danilo, si dhe një gazetar brazilian raportohet se ndodhen mes pesë të mbijetuarve nga rrëzimi, pasi u nxorën të gjallë nga rrënojat.

Avioni Avro RJ85, që kishte nëntë pjesëtarë ekuipazhi, u përplas rreth orës 22.15 pas disa problemeve me fuqinë, ndërsa fluturonte përmes maleve. Raportimet thonë se u rrëzua në një kodër dhe u nda në dy pjesë.

Punonjësit e shpëtimit u detyruan që të ndalonin për pak operacionin e shpëtimit për shkak të reshjeve të dendura dhe temperaturave të ulëta. Skuadra ishte vetëm 5 minuta larg nga destinacioni.