Themeluesi i Snapchat fejohet me ish-engjëllin e Victoria’s Secret

“I thashë po”. Kështu shkruan në “Instagram”, supermodelja Miranda Kerr, duke treguar unazën e saj të mrekullueshme me gur diamanti, me të cilën, themeluesi i Snapchat Evan Spiegel e propozoi.

Kjo do të jetë martesa e dytë e modeles australiane, pasi ajo ka qenë në një marrëdhënie me Orlando Bloom me të cilin ka edhe një djalë me emrin, Flynn. Supermodelja pranoi propozimin nga 26-vjeçari, me të cilin ajo ka qenë e lidhur për një vit.

“Ata janë jashtëzakonisht të lumtur”, tha një zëdhënës i Snapchat për “DailyMail”.

Forbes e ka vlerësuar Spiegel, i cili e themeloi Snapchat-in ndërsa ai ishte ende në Stanford, si një prej miliarderëve më të rinj në botë.

*Shfleto galerinë