Personazhi i numrit të fundit të revistës “ICON” u përzgjodh nga dy këngëtarët më të kërkuar shqiptarë, si pjesë e klipit të tyre të fundit. Ndërsa të gjithë ishim në pritje të bashkëpunimit mes Flori Mumajesit dhe Ledri Vulës, ajo që na surprizoi ishte fakti që nuk publikuan një këngë së bashku, por dy.
E para u publikua mbrëmjen e së premtes në kanalin zyrtar të Flori Mumajesit në Youtube. Në këtë këngë Ledri është “i ftuari” i Florit për këngën “Beautiful”, një këngë që flet për një vajzë të pazakontë, të cilët e bën të bukur bukuria e brendshme.
Modelja e zgjedhur për këtë videoklip është Sara Kapo, e cila pak kohë më parë hoqi krejtësisht flokët, për t’ia dhuruar më pas fëmijëve që vuajnë nga kanceri. Ajo ishte personazhi i përzgjedhur nga revista “ICON”, ku të gjithë u njohëm me bukurinë e karakterit të saj.
Ndërsa kënga tjetër, ajo ku Flori është “i ftuari i Ledrit” ka një titull dhe një temë krejt tjetër. “Nuk ma la” është titulli i kësaj kënge, që përfshin xhirime verore buzë pishinës, me vajza që të gjithave i bashkon diçka: Fotografitë në rrjetet sociale dhe “mania për t’u dukur”.
