Shqiptarja që do të prezantojë “America’s Next Top Model”

Pavarësisht se është vetëm 25 vjeçe ajo ka një karrierë të pasur në CV-në e saj. Nga këngëtare dhe aktore, tani për të është rezervuar pozicioni i prezantueses së një prej kompeticioneve më të njohura.

Këngëtarja me origjinë shqiptare, Rita Ora, raportohet se së shpejti do të zëvendësojë vendin e modeles Tyra Banks në “America’s Next Top Model”.

Tyra Banks deklaroi në fund të vitit 2015 se po hiqte dorë nga prezantimi, gjë që u interpretua si një ndërprerje e mundshme e vetë produksionit. Por më vonë u bë i ditur lajmi se ai do rilindë në një tjetër televizion, më një fytyrë të re drejtuese dhe këtë herë me Tyra-n në rolin e producentes.

Dhe pak kohë pas transformimit total të njërit prej shfaqjeve “reality” më të ndjekura, “The Sun” bën të ditur që emisioni do të prezantohet nga një fytyrë shumë e njohur e muzikës, që mendohet të jetë Rita. Ajo është përzgjedhur si një personazh që do të dijë të bëjë një miksim interesant midis muzikës dhe modës, duke sjellë një frymë të re në formatin televiziv.

Burimi: The Sun