Ato e kanë nisur shoqërinë që në moshën 10-vjeçare, dhe marrëdhënia e tyre vijon të mbetet e fortë si dikur.
Rezarta Shkurta ka festuar ditëlindjen me një nga mikeshat e saj më të ngushta, këngëtaren Zaimina Vasjari. Ajo ka festuar ditëlindjen e saj të 30-të, dhe një nga befasitë më të veçanta për të ishte rezervuar nga Zaimina, e cila i kishte përgatitur një ëmbëlsirë të vogël me një buqetë me trëndafila të kuq.
Rezarta ka publikuar në llogarinë personale në Instagram një fotografi, ku shihet duke u uruar nga Zaimina, teksa në mbishkrimin e fotos ka sqaruar se ndjehet e lumtur që ka marrë një dhuratë të tillë nga një mikeshë që e njeh prej 20 vitesh.
Ajo do të paraqitet në festivalin “Kënga Magjike 2016”, me një këngë të punuar nga Elgit Doda.
