Ne gjithmonë e kemi ditur që Scarlett Johansson është shumë e zonja, por ajo sapo bëri histori me arritjen e saj të fundit.
Ylli i “The Avengers” është cilësuar si aktroja më fitimprurëse e të gjitha kohërave, në një listë të publikuar nga “Box Office Mojo”.
Gjatë viteve ajo ka sjellë shumë burime të ardhurash, me një total që arrin 3.3 miliardë dollarë dhe të ardhurat më të mëdha i ka arritur nga roli i saj në “The Avengers”, me një shumë prej 623.4 milionë dollarë.
Kjo arritje është edhe më frymëzuese duke pasur parasysh faktin se Scarlett është vetëm 31 vjeçe, duke e bërë atë aktoren më të re që kryeson ndonjëherë listën prestigjioze. Por ka ende një rrugë të gjatë për tu zgjidhur në Hollivud lidhur me hendekun mes pagave sipas gjinive. Aktori më fitimprurës mashkull është Harrison Ford, me një total prej 4.87 miliardë dollarë dhe Johansson është e vetmja femër që është në top 10-shen e listës.
Vetëm nëntë femra kanë arritur të jenë pjesë e listës, që dominohet vetëm nga meshkujt. Cameron Diaz në vend të 19-të, Helena Bonham Carter të 26-të, ndjekur Cate Blanchett, Julia Roberts, Elizabeth Banks, Emma Watson, Sandra Bullock dhe Anne Hathaway, respektivisht në vend të 29, 39, 31, 32, 47 dhe 50.
Scarlett luan në dy filma të 2016-s, “The Jungle Book” dhe “Captain America: Civil War”.
Burimi: Marie Claire
