Shfaqja e re e Sarah Jessica Parker, “Divorce”, nuk krahasohet me “Sex and the City”, por kjo nuk e ndaloi atë që të “vraponte” te një prej kolegeve që luajti serialin më të ndjekur, ndërsa promovonte seritë e saj të ardhshme.
Natën e kaluar te premiera në Nju-Jork e “Divorce”, Parker pozoi në tapetin e kuq me Cynthia Nixon, për një moment argëtues Carrie-Miranda.
Atyre iu bashkua Mario Cantone, i njohur në shfaqje si Anthony Marentino, projektues i shkathët i dasmës së Charlotte-s.
Është shumë emocionuese të shohësh Parker të mbështetet nga ish-kolegët e saj në një projekt të ri edhe pas 12 vitesh të transmetimit të serisë së fundit të “Sex and the City”. Edhe ky bashkim i vogël, na bënë të kthejmë shpresat për një ribashkim të kastit. Pavarësisht se nuk është thënë asgjë zyrtare për rikthimin e serive, Sarah Jessica Parker nuk është kundër idesë.
“Nuk mendoj se ndonjë nga ne ka thënë “Jo”. Nuk e di nëse do të jetë ndonjë serial apo film. Mendoj se mbetet e hapur për diskutime, që do të vazhdojnë derisa të zbulohet. Mendoj se ka gjithmonë një mundësi”, tha Parker për “Press Association” më herët.
Burimi: Harper’s Bazaar
