Me situatën e jashtëzakonshme në Shqipëri pas tërmetit që shkatërroi vendin u solidarizuan personazhe të njohur të showbiz-it shqiptar.
Mes tyre, edhe këngëtarja Enca Haxhia është munduar të japë kontributin e saj, mirëpo ditën e sotme ajo është prekur nga shkrimi i disa mediave.
Në to thuhej se Enca s’kishte publikuar asnjë foto për viktimat e tërmetit në Shqipëri, ndaj ajo i ka vërtetuar të kundërtën.
Enca ka publikuar arkivën e fotove të saj gjatë ditëve më të vështira të vendit dhe në një tjetër status shkruan:
“Nuk jam kategoria e personazheve që të shfrytëzoj situata të tilla për vëmendje. Dhe as kategoria e atyre që postojnë gjithçka që bëjnë e ndihmat që ofrojnë. Dhe mbi të gjitha nuk i detyrohem askujt shpjegim për asgjë që bëj, por kjo temë më ka prekur aq shumë sa nuk mund të heshtja.”
Tërmeti 6.3 ballë që shkundi Shqipërinë mëngjesin e 26 nëntorit la 51 viktima dhe qindra të tjerë të plagosur.
