Shefi i kizhinës, Renato Mekolli, ka vendosur të largohet papritur nga emisioni “Hell’s Kitchen” për arsye që ende s’janë bërë të ditura për publikun.
Këtë lajm e ka dhënë skenaristja e emisionit, Zefina Hasani, e cila shprehet se largimi i Renatos vjen për arsye personale.
“S’e mendoja asnjehere se do te ndodhte keshtu por ja qe ndodhi. Renato u largua per arsyet e tij e ne duhet te vazhdonim me nje tjeter shef. Neser Hell’s Kitchen eshte pa Renaton. Flm @alsi_sinanaj qe pranove te vish nga Athina ne nje kohe rekord. “- shkruan ajo në postim, duke zbuluar edhe shefin e ri të kuzhinës që do të zëvendësojë Renaton.
Renato ka reaguar gjithashtu në llogarinë e tij në Instagram, ku shkruan:
“Disa mbase do gëzohen, disa do mërziten! Vazhdimit nuk i dihet… Fund…”
Më pas, shefi i kuzhinës ka publikuar edhe këngën e famshme të Flor Mumajesit, “Plas”, ndërsa krahas saj shkruan:
“S’kena me u pa mo bashkë”.
Mbetet vetëm të presim për një tjetër reagim të Renatos, i cili na ka lënë kuriozë për arsyen e largimit të tij.
