Kë fajëson Kim Kardashian pas grabitjes në Paris?

Kim Kardashian raportohet se po fajëson veten për sulmin e grabitjes në Paris, mbrëmjen e së dielës. Kjo gjë korrespondon me atë që mendojnë fansat e saj në “Twitter”, se fajtore është Kim për ekspozimin e pasurisë.

“Kim është e shokuar dhe fajëson veten. Ajo akuzon veten se e shfaqi aq shumë unazën në mediat sociale dhe e vuri atë gjatë gjithë kohës. Ky incident po e bën atë që të dyshojë për çdo gjë. Si vishet, çfarë bën”, tha një burim për “People”.

Lidhur me unazën, Kim nuk pranoi kërkesën e Kanye West, kur i tha që t’ia zëvendësonte. “Kanye dëshiron që t’i blejë asaj sërish unazën, por ajo thotë që nuk do të mendojë për të. Ai dëshiron që çdo gjë t’i rikthehet normalitetit dhe që incidenti të mos ndikojë në jetët e tyre”, vazhdon burimi.

Pesë grabitësit morën nga shtëpia, ku qëndronte Kim gjatë Javës së Modës në Paris, bizhuteri me vlerë mbi 11 milionë dollarë, mes tyre dhe unazën me diamant, që kushtonte 4.5 milionë dollarë.

Burimi: Marie Claire