Jonida Vokshi zbulon talentin që nuk dinim të Elvana Gjatës

Ato janë mikesha prej vitesh dhe e kanë ruajtur këtë miqësi pavarësisht angazhimeve. Po flasim për Jonida Vokshin dhe Elvana Gjatën! Secila nga të rejat ka korrur sukses në fusha të ndryshme të artit, Elvana në atë muzikës, ndërsa Jonida në teatër, film dhe televizion.

Këtë javë jepet premiera e filmit “7 Ditë”, ku aktorja dhe moderatorja Jonida Vokshi për herë të parë luan rolin e protagonistes. Nuk mund të mungonte një urim nga mikesha e zemrës Elvana, e cila ka postuar një foto në “Instagram” me nënshkrimin: “Filmi yt i parë si protagoniste, me siguri jo i fundit! Kaq e lumtur për ty…Kjo je ti!”.

Filmi yt i pare si protagoniste,me siguri jo i fundit! Kaq e lumtur per ty.. Kjo je ti! @jonidavokshiofficial #7dite

A photo posted by Elvana Gjata (@elvanagjataaaa) on Nov 10, 2016 at 2:09am PST

Ndërsa një ditë më parë Jonida Vokshi tregoi në emisionin “Pasdite në Top Channel” një detaj që nuk dinim më parë për këngëtaren, Elvana.

“Me Elvanën jam shumë shoqe. Kemi studiuar bashkë në Akademinë e Arteve. Elvana është një aktore e jashtëzakonshme dhe është gjynah që publikut shqiptar nuk i është dhënë mundësia ta shikojë edhe në këtë profil”, tha Vokshi, duke rrëfyer se nuk i pëlqen të ekspozohet shumë në vendet publike.

Burimi: Instagram