Aktorja Jennifer Aniston ndau me fansat e saj një lajm të hidhur! E ëma e saj Nancy Dow ndërroi jetë në moshën 79-vjeçare.
“Me hidhërim të thellë, vëllai im John dhe unë ju njoftojmë për ndarjen nga jeta të nënës sonë Nancy Doë. Ajo ishte 79 vjeç dhe vdiq në paqe, e rrethua nga miqtë dhe familja, pas një sëmundjeje të gjatë. Kërkojmë që privatësia e familjes sonë të respektohet teksa vajtojmë humbjen tonë”, ka thënë në një deklaratë për revistën “People” aktorja.
Sipas disa mediave, Aniston e ka vizituar të ëmën e saj më 12 maj, për herë të parë pas 5 vitesh. Aktorja dhe mamaja e saj ishin konfliktuar disa herë në të shkuarën, si pasojë e një libri të të ndjerës ku ajo rrëfehej për marrëdhënien me të bijën.
“Ajo ishte një modele. Ishte e mrekullueshme, e mahnitshme. Unë nuk isha. Nuk isha kurrë”, ka thënë Jennifer Aniston për nënën e saj në një intervistë në vitin 2015, duke rrëfyer edhe se mamaja e saj ishte një person që mbante shumë inat.
Nancy Dow u divorcua nga bashkëshorti i saj John Aniston në 1980-n, me të cilin aktorja ruante marrëdhënie shumë të mira.
Burimi: Daily Mail
Komente në Facebook
Lexo tjetër
Është apo jo në një lidhje me Kledi Hysën, flet Evi Reçi
A është egoist personi që ju po dilni në takim?
