Së shpejti, inspektorët e tatimores do t’i njihni sapo t’i shihni. Si meshkujt ashtu dhe femrat do të kenë uniformat specifike me kostume që do t’i dalloni menjëherë.
Për meshkujt:
“Xhaketa ka këto specifika: Prerje klasike me tre xhepa, xhepat e poshtëm janë xhepa te fshehur me kapak, Xhepi i sipërm, xhep i fshehte me fileto 2.5 cm. Xhaketa me dy kopsa përpara dhe katër kopsa tek mënga. Te jete e pajisur me astar te brendshëm ku te jete vendosur xhep i fshehte, lart, majtas. Kurse pantallonat do të kenë prerje klasike dhe shtrat mesatar, me dy xhep para te pjerrët dhe me dy xhepa mbrapa me fileto. Me qemer te pajisur me 7 iliqe. Këmisha do të ketë prerje klasike me mëngë të gjata, me një xhep në pjesën lart, majtas. Mëngët me manshet dhe kapak. Kravata klasike në mes të së cilës do të vendoset logo e DPT”
Për femrat:
“do të jenë 92 uniforma të porositura dhe do të kenë në përbërje xhaketë klasike, fund, këmishë dhe shall. Edhe në këtë rast identifikimi do t’i lihet shallit i cili do të ketë prerje klasike drejtkëndore me përmasa 80 cm – 20 cm, me logo te DPT-se në pjesën fundore të shallit, në mes dhe 10 cm lart”
