Pas bërjes publike të lidhjes së tyre me publikimin e videos së tij të fundit, Zayn Malik duket se nuk ndalon dot së shprehuri dashurinë modeles Gigi Hadid.
Ish-pjesëtari i grupit “One Direction” tashmë ka realizuar këngën e tij më të fundit, “Like I Would”.
Zayn Malik është shprehur se frymëzimi pas këngës së tij është e dashura Gigi Hadid. Këtë ish-pjesëtari i “One Direction” e ka treguar përmes një postimi të bërë në rrjetet sociale.
23-vjeçari ka shpërndarë një fotografi të dashurisë së tij modele dhe bashkangjitur ka shkruar: “Pashë fytyrën tënde dhe u frymëzova.”
20-vjeçarja Gigi Hadid duket e mrekullishme dhe mjaft sensuale me një fustan të zi të gjatë, ndërsa mban të veshura një palë sandale pa takë.
Shumë fansa janë mahnitur nga talenti i tij dhe e kanë komplimentuar pafund në rrjetet sociale, por nuk kanë munguar as kritikat duke vënë në dukje ngjashmërinë mes këngës së tij dhe atë të grupit “One Direction”.
