Flori Mumajesi, dedikim prekës për “të shtrenjtën”: T’i puth këmbët

Ai i ka kushtuar edhe një këngë, gruas më të veçantë në jetën e tij, nënës. Këngëtari Flori Mumajesi, e ka treguar edhe një herë se është shumë i lidhur pas nënës së tij.

Në profilin e tij në Instagram, Flori ka zgjedhur të urojë nënën për ditëlindje, duke postuar një foto, përmes së cilës ai u kërkon fansave të bëjnë “tag” nënën e tyre.

Por fjalët janë ato që godasin më shumë se fotoja dhe të cilat, Flori, si një kantautor i suksesshëm dhe tekstshkrues, i ka shumë të ndjera:

“Gëzuar ditëlindjen e shtrenjta ime. Përulem para teje sa të kem jetë. T’i puth këmbët”, shkruan Flori.