Asaj i thonë shpesh se ngjan me këngëtaren Adele. Pikërisht këtë gjë aktorja Rebel Wilson vendosi që ta shfrytëzojë!
“The Daily Star” raporton se 36-vjeçarja pritet të luajë rolin e Adele në filmin që do të rrëfejë jetën e saj. Burime pranë saj thonë se Rebel shpreson që një rol i tillë do ta ndihmojë atë të shndërrohet në një aktore të një kalibri tjetër, duke qenë se ajo njihet kryesisht për filmat komedi.
Megjithatë, një gjë e tillë duket se nuk i ka ardhur dhe aq për shtat Adele, e cila në
koncertin e saj të radhës ka folur edhe për këtë çështje duke thënë se producentëve do t’u duhet një leje nga ajo për të bërë një gjë të tillë.
“Vetëm sepse jam masë e madhe, nuk do të thotë se ajo do të luajë rolin tim”, u shpreh 27-vjeçarja.
Burimi: Daily Mail
