Papa Françesku u vu në krye të Papatit në kohën e teknologjisë. Për këtë arsye ai vendosi të mos bëhet përjashtim!
Lëvizja e fundit e kreut të Vatikanit është një llogari në rrjetin social “Instagram”. Vetëm një orë pasi hapi llogarinë në “Instagram”, numri i ndjekësve arriti në 100.000, shifër që u gjashtëfishua vetëm disa orë më pas.
Deri më tani Papa ka postuar vetëm dy foto, të cilat kanë marrë dhjetëra mijëra pëlqime dhe komente.
Edhe pse nuk ishte një “selfie”, foto e parë e Bergolios i gjunjëzuar, mbante mesazhin “Lutuni për mua” në 9 gjuhë të ndryshme.
Ndjekësit e shumtë të Kishës Katolike po prisnin që të enjten kur u dha lajmi se Papa do t’i bashkohej rrjetit social, me emrin “Franciscus”. Por edhe pse kjo llogari do të jetë e ndarë nga ajo zyrtare e Vatikanit, do të mirëmbahet nga pjesëtarë të tij.
Pak javë më parë, Papa u takua me CEO-n e “Instagram”-it, Kevin Systrom, me të cilin diskutoi mbi fuqinë e fotografisë për të bërë bashkë njerëzit me kultura dhe gjuhë të ndryshme.
