Sa bukur të jesh pjesë e engjëjve të “Victoria’s Secret”! por ju nuk e imagjinoni dot stresin dhe fazat që duhet të kaloni që të bëheni një “engjëll”. Futesh në dhomë, zhvishesh, vesh taka dhe nis të ecësh para dhjetëra syve kuriozë të jurisë. Kompania e madhe e modelingut ka publikuar një video ku tregohet se në çfarë fazash kalojnë vajzat për t’u pranuar.
10 nga 11 modele të suksesshme kanë punuar me Victoria’s Secret. Por ato që e fitojnë këtë “nder” të jenë pjesë e modeleve më të kërkuara kalojnë nëpër ushtrime ekstreme fizike dhe mendore për të arritur pamjen perfekte.
Adriana Lima ka thënë se pas lindjes së fëmijës, ajo u detyrua të mbante një dietë vetëm me lëngje për 9 ditë. Praktikisht vetëm ujë. Ndërsa trajnuesja që stërvit modelet, ka thënë se engjëjt e Victoria’s bëjnë 4 muaj ushtrime ekstreme.
Ato ngrenë pesha që janë shumë herë më të renda sesa pesha e tyre trupore, 6 ose 7 herë në javë, madje edhe dy herë brenda ditës. Sigurisht që nuk është e thjeshtë të jesh një engjëll dhe ndoshta do ta kishin menduar dy herë para se të aplikonin. Atëherë do të pyesnit veten nëse doni ende të aplikoni?!
