Bebe Rexha nis turneun muajin e ardhshëm

Shqiptarja që nisi karrierën në muzikë në Amerikë, Bebe Rexha, lajmëroi se nga muaji prill do t’i bashkohet turneut të këngëtares së njohur britanike, Ellie Goulding.

Krijuesja e hitit “Me, Myself & I” ka shfrytëzuar rrjetin social “Facebook” për të bërë të ditur lajmin, n dërsa ftoi fansat që të bëheshin pjesë të spektaklit.

Datat e turneut “Delirium World Tour” të Gouldingut janë publikuar edhe në uebsajtin e Bebe Rexhës.

Ajo do t’i bashkohet Gouldingut që nga 5 prilli në disa koncerte në Amerikë.

Edhe pse në datat e turneut të Gouldingut figuron edhe një koncert në Serbi, kjo nuk shihet në faqen e këngëtares së njohur shqiptare.