Një ngjarje e rëndë ka tronditur mesditën e sotme Fierin. Një konflikt i çastit ka agravuar në përleshje me thika ku për pasojë një 17-vjeçar ka mbetur i vrarë. Ngjarja ka ndodhur në qendër të qytetit, jashtë një lokali. Megjithatë nuk dihet shkaku dhe dinamika e plotë e ngjarjes
Aktualisht, autori është shoqëruar në Polici, ndërsa i plagosuri, 17 vjeç, edhe pse u dërgua me urgjencë në spital nuk i mbijetoi dot plagëve të marra.
“Fier/Informacion paraprak Rreth orës 11:30, në bulevardin “Jakov Xoxa”, shtetasi F. M., 18 vjeç, gjatë një konflikti për motive të dobëta ka plagosur me mjet prerës (thikë), shtetasin G. B., 19 vjeç, i cili si pasojë e plagëve të marra ka humbur jetën në spital. Në spitalin e Fierit është paraqitur për ndihmë mjekësore shtetasi O. S., 20 vjeç, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën. Shërbimet e Policisë kanë kapur dhe shoqëruar në Polici shtetasin F. M, dhe po kryhen veprimet e mëtejshme procedurale. Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit”, njofton policia.
