Pak kohë më parë, vetë ai njoftoi se Shqipëria ishte pjesë e turit të tij europian. Chris Brown realizoi kështu eventin më të rëndësishëm të këtij muaji për ne. Pavarësisht se shumë prej qytetarëve mbetën skeptik për ardhjen e këngëtarit me famë botërore, ai performoi dje në Durrës.
Duket se ish-i dashuri i Rihanna-s ka një lidhje të veçantë me vendin tonë, sidomos pas marrëdhënies së ngushtë që ai ka me Rita Orën. Pas këngës së tyre të fundit bashkë, dyshimet lindën se midis dy këngëtarëve mund të kishte diçka.
Këngëtarja me origjinë nga Kosova publikoi një foto në “Instagram”, ku shkruante: “Shqipëri më fal që s’erdha! Do doja të isha me ju sot për të mbështetur Chris Brown. Bëj atë që di të bësh më mirë!”.
Si për të qenë më pranë tij, Rita kërceu nën ritmin e këngëve të tij, duke iua dërguar më pas këtë video këngëtarit. Chris Brown nuk e mbajti të fshehur këtë video, pasi e publikoi në “Instagram”.
