Mbrëmjen e djeshme ndodhi një krim i rëndë brenda një familjeje në Shkodër. 69-vjeçari Bashkim Teli qëlloi me çekiç, bashkëjetuesen e tij Suzana Shemuni, 58-vjeçe, e cila si pasojë e plagëve të marra gjeti vdekjen e menjëhershme.
Sipas hetuesve dhe dëshmive të fqinjëve, Bashkimi dhe Suzana bashkëjetonin prej 3 vitesh dhe nga banorët e zonës njiheshin si një çift problematik. Ata vinin nga martesa të mëparshme nga të cilat kishin edhe fëmijë.
Bashkimi kishte 2 vajza me gruan e tij të ndjerë, dhe për t’iu qenë sa më parën atyre ndërkohë që shkolloheshin në Tiranë, edhe ai u zhvendos bashkë me to. Gjatë qëndrimit të tij në Tiranë njohu edhe Suzanën, edhe ajo nënë me fëmijë, dhe pasi Bashkimi doli në pension u zhvendosën në Shkodër ku nisën një bashkëjetesë.
Sipas dëshmive të policisë krimi ka ndodhur për motive të dobëta, ndërsa ende nuk dihen shkaqet e kësaj ngjarje të rëndë. Pasi ia copëtoi kokën me çekiç bashkëjetueses së tij, Bashkim Teli tentoi të arratisej mirëpo u kap në flagrancë nga policia.
Mësohet se në dëshminë e tij në polici Teli ka rrëfyer me qetësi të plotë aktin makabër, i cili sipas tij ka ardhur pas një debati të çastit.
Burimi: Ballkanweb
