Aktori i njohur Bill Cosby është shpallur fajtor nga një gjykatë e Filadelfias pasi akuzohet për tre sulme seksuale. Ky është gjyqi i parë i famshëm që po ndodh në epokën #MeToo, kur të gjithë po ngrihen kundër sulmeve seksuale ndaj femrave.
Një nga viktimat e abuzuara nga Cosby është Andrea Constand, e cila u takua me aktorin në vitin 2002, ndërsa punonte në Temple University. Ajo tha se ai e sulmoi në vitin 2004, në shtëpinë e tij në Filadelfia. Në dëshminë e saj, gruaja shtoi se aktori i dha tri pilula blu të cilat i tha se do ta ndihmonin për t’u lehtësuar nga stresi.
Avokati i Cosby-t hodhi poshtë akuzat si të rreme, por prokurorët përdorën pohimet e kaluara të Cosby-t rreth varësisë ndaj drogës dhe seksit, si dhe dëshminë e pesë grave të tjera për të ndihmuar në ngritjen e akuzave të Andrea Constand.
Cosby mund të dënohet deri në 10 vjet burg për secilën akuzë. Dhjetëra gra e kanë akuzuar në vitet e fundit duke thënë se Cosby i ka droguar dhe sulmuar seksualisht. Në gjyqin e parë, vetëm dy gra u lejuan të dëshmonin, por këtë herë, gjyqtari lejoi pesë gra të paraqiten për të ndarë përvojat e tyre.
Burimi: Cosmopolitan
