Mali i Zi kujtohet pas 13 vjetësh, ndalon transmetimin e këngës shqiptare

Plot 13 vjet pas publikimit të këngës “Albanian” nga Etnon, Lyrical Son dhe Dj Blunt, Mali i Zi ka vendosur të ndalojë transmetimin e saj.

Agjencia për Mediat Elektronike e Malit të Zi, u ka bërë vërejtje televizioneve “Boin” dhe “Teuta” për shkak të transmetimit të spoteve muzikore të dy këngëve shqipe me rastin e 28 Nëntorit – Ditës së Flamurit. Siç konsiderohet, përmbajtja programore përbën rrezik për rendin kushtetues në Malin e Zi.

Lexo edhe :

Deri në fund të muajit, jeta bëhet shumë më e lehtë për këto katër shenja të zodiakut

21:10 12/04/26

Ndryshim historik në Hungari! Peter Magyar rrëzon Orban pas 16 vitesh në pushtet

21:09 12/04/26

Genc Prevlukaj i grupit muzikor Etnon, ka reaguar përmes rrjeteve sociale:

 “Pas shumë paralajmërimeve si duket shteti i Malit të Zi e paska urdhëruar ndalimin e transmetimit te këngës Albanian”, ka shkruar Genc Prevlukaj, teksa Lyrical Son ka thënë se “#Albanian, ju s’mund të ndaloni”.

E publikuar vite më parë kjo këngë vazhdon të dëgjohet nga të gjitha gjeneratat dhe ka lënë gjurmë në muzikën shqiptare.