Silva Gunbardhi e ftuar në “Top Show Magazine” foli jo vetëm për muzikën, por edhe për jetën e saj private. Ajo zbuloi se marrëdhënia e saj me bashkëshortin, Dafin, është si e çdo çifti tjetër me uljet dhe ngritjet e saj.
“Çdo çift ka ato uljet e ngritjet e veta. Me Dafin unë zihem për shpejtësinë, kam merak sepse i jep shpejt makinës. Një arsye tjetër pse zihemi është sepse unë e përdor shpesh shprehjen ‘O vëlla’, unë kështu i them se kam dialektin, por ai nxehet kur e përdor”, u shpreh Silva ndërsa tregoi se nuk zihen ndonjëherë për çështje xhelozie.
Pikërisht kjo deklaratë e ka shtyrë gazetarin, Alban Dudushi që ta ngacmojë edhe më shumë Silvën.
“Ku e di ti që nuk është me ndonjë gocë dhe jo në studio?”, e pyeti Albani.
“Po mirë o le të jetë, ça të bëj unë, të vras veten tani?”, u përgjigj Silva duke i bërë të gjithë të qeshin.
