Reperja Rina Balaj është tepër aktive në rrjete sociale dhe e përdor shpesh këtë platformë si për të qëndruar në kontakt me fansat, por edhe për të shprehur mendimet e saj personale.
Mbrëmjen e sotme, reperja ka hedhur një thumb për vajzat shqiptare të Kosovës dhe nuk e dimë me kë e ka pasur specifikisht.
Rina mendon se gjysma e femrave të vendit janë bërë njësoj dhe duken si Kylie Jenner për shkak të ndërhyrjeve, teksa nuk u step aspak që këtë mendim ta shprehte hapur në InstaStory.
Madje, reperja ka shkruar me ironi se Kylie duhet t’i sponsorizojë si shtet.
“2 milion njerëz në Kosovë, 1 milion duken si Kylie Jenner. @kyliejenner duhet me na sponsorizu si shtet.”- janë fjalët e Rinës.
Sigurisht postimi i saj ka ngjallur debat dhe shumë pikëpyetje.
Fansat kanë nisur të “hulumtojnë” për të mësuar nëse Rina ka ndonjë thumb me ndonjërën, apo është thjesht opinioni i saj të cilin e shprehu sonte hapur.
