Busisiwe “Busi” Lurayi, ylli i serialit të Netflix “How to Ruin Christmas”, ka vdekur në shtëpinë e saj në Afrikën e Jugut. Ajo ishte 36 vjeç.
Familja e Lurayi konfirmoi në një deklaratë në llogarinë zyrtare në Instagram të agjencisë së talenteve me qendër në Johanesburg, ‘Eye Media Artists’, se ajo ndërroi jetë “papritmas”.
“Me pikëllim të thellë ju njoftojmë për ndarjen nga jeta të të dashurës sonë Busisiwe Lurayi”, thuhet në postim. “Busisiwe ndërroi jetë papritmas dhe u shpall e vdekur në rezidencën e saj të dielën [10 korrik 2022] nga personeli mjekësor.”
Shkaku zyrtar i vdekjes është ende i panjohur, ndërsa priten rezultatet e raportit të autopsisë, shtoi familja. “Ne kërkojmë me përulësi që të na lejoni si familje të pajtohemi me këtë lajm tragjik.”
Deklarata përfundoi duke siguruar fansat e saj: “Ju falënderojmë për mbështetjen që na është dhënë deri më tani dhe do të japim informacione të mëtejshme sapo të na vihen në dispozicion”.
Aktorja ishte e njohur dhe rikujtojme se Lurayi kishte luajtur në serialin e Netflix “How to Ruin Christmas” që nga viti 2020, duke luajtur personazhin e Tumi Sello.
Ajo fitoi çmimin SAFTA Golden Horn Award për aktoren më të mirë në një komedi televizive për rolin në vitin 2021.
