Mario Dedivanoviç, grimieri i famshëm i Kim Kardashian, është kthyer në një ndër emrat më të njohur të showbiz-it në mbarë botën.
Video e tij ku mësonte yllin e familjes Kardashian, Kim-in, sesi të fliste shqip bëri xhiron e rrjetit dhe ai u kthye në një ndër emrat më të komentuar të vendit tonë.
“Mashallah, sa bukur Mario”, ishin fjalët që ai i mësoi Kim-it, fjalë të cilat filluan të përdoren ngado me humor.
Në profilin e tij në Instagram, grimieri ka ndarë me ndjekësit një foto të tijën 20 vite më parë, kur ishte vetëm 16 vjeç dhe menjëherë kanë vërshuar komentet.
Ndjekësit kanë vënë re se Mario 16 vjeç duket fiks si aktori i famshëm Leonardo Di Caprio në rininë e tij, ndërsa vetë grimieri krahas fotos ka shkruar:
“Në gjimnaz. 16 vjeç. Mesa duket, as atëherë nuk paskam përdorur nxirës për duart.”
