Është publikuar sot kolona zanore e filmit të shumëpritur komedi të Elvana Gjatës dhe Ermal Mamaqit.
11 ditë para se të dalë në të gjitha kinematë, Elvana dhe Ermali kanë zbuluar disa pjesë nga filmi përmes klipit të kolonës zanore që titullohet, “Pa dashuri”.
Teksti dhe muzika janë punuar nga Arsim Bunjaku dhe Lyrical Son. Ashtu siç e prisnim, filmi na premton skena mjaft humoristike por edhe romantike mes Ermalit dhe Elvanës.
Në një moment ka dhe një skenë pasionante puthjeje mes Ermalit dhe këngëtares, por që nuk tregon më shumë seç duhet. Pra, po, puthje do të ketë në film, vetëm se ne nuk do të shohim gjë.
“Dy Gisht Mjaltë” është shkruar nga Ermal Mamaqi dhe Besnik Mustafaj ndërsa regjisor i filmit është regjisori turk Emir Khalilzadeh.
Në role të tjera të këtij filmi do të jenë edhe aktorë të njohur si: Koço Devole, Marjana Kondi, Bujar Asqeriu, Natasha Sela, Olta Daku, Ervin Doko, Ervin Bejleri, Eglein Laknori, Blerim Destani etj.
