Ai është një nga donzhuanët më të njohur të “Hollywood”-it.
Dhe Leonardo DiCaprio me siguri po jetonte sipas pritshmërisë ndërsa festonte te “Gotha Club” në Kanë, mbrëmjen e së hënës.
41-vjeçari u fotografua duke flirtuar me modelen e “Victoria’s Secret”, Georgia Foëler, e cila nuk mund t’i mbante dot duart larg nga aktori.
Fituesi i “Oscar”-it mbante kapelën e tij dhe një këmishë, ndërsa bisedonte me modelen dhe një mashkull i veshur me kostum.
Leo ishte me shokun e tij të ngushtë Tobey Maguire, në klubin ku ishte parashikuar të performonte Steve Aoki.
Fowler raportohej vitin e kaluar se ishte në një lidhje me këngëtarin e “One Direction”, Harry Styles, në një romancë të shkurtër. Gjithashtu në festë ishte edhe Nadine Leopold, një tjetër ish- e dashur e Styles.
Herët në mbrëmje dyshja u panë duke festuar me Lukas Haas dhe Paris Hilton.
Dhe ndërsa ylli i filmit “Revenant” mendohej se ishte në një romancë me Elsa Kawalec, modelja nuk u shfaq në Kanë me Leonardo-n.
Burimi: Daily Mail
