Një javë më parë, moderatorja Fatma Methasani dhe shefi i kuzhinës, Alfio Rrotani, u bënë prindër për herë të parë.
Fatma solli në jetë një vogëlush të cilin e pagëzuan me emrin Noah.
Vetë çifti e dha lajmin e bukur të lindjes së djalit të tyre në rrjetin social Instagram, duke publikuar një foto me të voglin në krah.
Një javë pas lindjes, Fatma nuk ka duruar pa ndarë në InstaStory-n e saj një foto tepër të ëmbël të vogëlushit.
Ajo e ka fotografuar të birin në dhomën e gjumit, teksa ai fle paqësisht dhe në pozë i dallohet dora dhe një pjesë e kokës.
Moderatorja ka treguar se e mban Noah pranë vetes në dhomën e gjumit.
“Nina nana afër meje”- shkruan ajo krahas fotos.
Fatma dhe Alfio janë në qiellin e shtatë me ardhjen në jetë të djalit të tyre, ndërsa ne jemi kuriozë të shohim sa më shpejt portretin e të voglit.