Ajo i ka kaluar vitet e fundit si një avokate mbrojtëse e hapur ndaj marijuanës.
Përveç kostumeve të dizejnuara me gjethe të bimës së famshme, ajo ka dhe këngë për pirjen e marijuanës dhe madje nxori hapur në skenë një cigare në “European Video Music Awards” në 2013-n.
Por tani, Miley Cyrus thotë se ka kohë që nuk konsumon dhe nuk pi më drogë. Në një intervistë për “Billboard Magazine”, ajo tregon gjithashtu për herë të parë sesi u kthye me ish-të dashurin, Liam Hemsworth.
“Është e çmendur, por unë nuk kam pirë bar në tre javë dhe kjo është periudha më e gjatë që kam kaluar ndonjëherë”, tha ajo për “Billboard” në intervistën që u zhvillua në prill.
“Më pëlqen ta rrethoj veten me njerëz që më bëjnë të dëshiroj të bëhem më e mirë, më e evoluar, e hapur. Dhe unë po vëreja që njerëzit nuk janë të ngurtë, që s’mund të ndryshojnë. Unë jam plotësisht e pastër tani!”
Miley foli hapur edhe për rindezjen e romancës së saj me Hemsworth.
“Më duhej të ndryshoja kaq shumë. Dhe ndryshimi me dikë tjetër që nuk ndryshon si ty, është shumë i vështirë”.
Marrëdhënia e tyre filloi në xhirimet e filmit të 2010-s “The Last Song”, kur Miley ende njihej si një këngëtare e muzikës pop, me flokë të gjatë dhe zeshkane.
Gjatë rrjedhës së marrëdhënieve të tyre, ajo filloi të shndërrojë imazhin e saj në Disney, në një vajzë provokuese që pinte marijuanë aq sa tronditi edhe famëkeqin Robin Thicke në 2013 në Video Music Awards.
Në prill të vitit 2016, Miley u “kap mat” së bashku me Liam në restorantin vegan Gracias Madre dhe u kthyen bashkë që nga ajo kohë.
“Na u desh të binim sërish në dashuri me njëri-tjetrin”, tha Miley për “Billboard”.
Burimi: Daily Mail
