Gjatë fluturimit në avion ka rregulla, të cilat nuk mund t’i shkelë askush pavarësisht pozicionit që mban.
Modelja e njohur italiane Belen Rodriguez, është detyruar nga forcat e sigurisë dhe stjuardesat të zbresë nga avioni pasi ndezi një cigare gjatë fluturimit.
Ajo ishte duke udhëtuar me të dashurin e saj Andrea Ianonne nga Ibiza në Greqi.
Ekuipazhi drejtues i avionit u detyrua të bëjë ulje emergjente dhe të zbriste moderatoren në aeroportin më të afërt.
Rodriguez u shfajësua duke thënë se stjuardesat po gënjenin dhe ajo kishte vetëm një cigare elektronike.
Më pas show-girl ka postuar një foto të e-mail-it të ardhur nga kompania e fluturimit, ku shkruhet se nuk ka pasur asnjë shkelje nga ana e saj dhe vendimi i marrë ka qenë i padrejtë.
