Kanye West tashmë e ka kthyer në traditë mbajtjen e meshave në formën e koncerteve çdo të diel.
Por në meshën e fundit vëmendjen e mori vajza e tij 5-vjeçare North West, e cila ishte veshur e gjitha me të zeza.
North kërcente vazhdimisht nën ritmet e gjalla të muzikës së West, në një seri videosh të publikuara nga nëna e saj Kim, e cila me siguri po mburrej për talentin e vajzës.
5-vjeçarja ishte veshur me një stil punk, një fustan të zi me pupla pa mëngë dhe flokët e kapur bisht, ndërsa nuk mungonte buzëkuqi i zi dhe një palë syze dielli.
Në një moment, performancës së North i bashkohet babi Kanye i cili nis të këndojë me vajzën.
North më pas dhuron shfaqje me një shoqen e saj dhe bën lëvizje si një balerinë profesioniste ndërkohë që mbahet te “partnerja” e saj.
Meshat e së dielës janë kthyer në një traditë javore për familjen Kardashian-West këtë vit, me seancat e para që filluan të dielën e parë të vitit 2019, 6 janar.
Artistë të tjerë si Kid Cudi, Charlie Wilson dhe Francism The Lights, ishin gjithashtu të pranishëm dhe performuan.
