Prej më shumë se një viti, këngëtarja shqiptare Dua Lipa po shijon romancën e saj me vëllain e motrave Hadid, Anwar-in.
Dyshja është bërë e pandarë dhe i kemi parë kudo së bashku.
Ata shfaqet çift në çdo event apo edhe në çdo dalje të thjeshtë publike, madje kanë nisur edhe bashkëjetesën.
Për më tepër, Dua dhe Anwar u karantinuan së bashku për shkak të emergjencës Covid-19 dhe në rrjete sociale nuk kanë munguar foto e videot e shumta nga çifti.
Madje, izolimi në shtëpi i ka bërë ata t’i përkushtohen më shumë njëri-tjetrit dhe të bëhen “krahu i djathtë” i partnerit.
Në pamundësi për të shkuar në parukeri, Dua vendosi të lyejë sërish flokët në shtëpi dhe e dini kush e ndihmoi për këtë?
Pikërisht Anwar-i!
Në llogarinë e saj në Instagram këngëtarja ndau një foto para pasqyrës teksa partneri i lyente flokët në ngjyrë të kuqe dhe sigurisht që na tërhoqi vëmendjen.
E ku ka më mirë se të të ndihmojë partneri në këto punë?
Kjo është një tjetër provë që Anwar Hadid është i dashuri perfekt! Ai është gjithmonë aty për Duan duke i dhuruar dashuri, shoqëri, përkujdes dhe gjithçka që ajo ka nevojë.
Pa hë, doni tani një të dashur të tillë?
