Çudira nga më të fundit ndodhin në Shqipëri, por që do të merrej nusja me kamion nuk do ta mendonim.
Të gjithë mundohen të realizojnë një dasmë të veçantë që të mbahet mend gjatë nga njerëzit, por duket se një dhëndër nga Maliqi i Korçës ia ka arritur qëllimit.
Ditën e djeshme në Maliq, njerëzit kanë parë ndoshta dasmën më të veçantë të zhvilluar nga këto anë. Dhëndri ishte nisur për të marrë nusen me një eskortë të pazakontë.
Kanë qenë pesë koka trailerash të udhëhequra nga dhëndri me trailerin e tij tip “Scania”. Një dukuri e tillë ka tërhequr vëmendjen e të gjithë personave aty pranë të cilët nuk kanë ngurruar ta filmojnë dhe ta publikojnë videon në rrjetet sociale.
