Kanye West kaloi krizë nervore, pushoi 30 persona nga puna

Nëse Donald Trump ka hequr dorë nga “Je i pushuar”, Kanye West duket se ka marrë stafetën. Një burim tha për “New York Post” se, reperi 39-vjeçar pati një “krizë nervore”, pas shfaqjes së modës të Yeezy Season 4, mbajtur më 7 shtator gjatë Javës së Modës në Nju-Jork.

Sipas burimit reperi ishte krejtësisht i pakënaqur me kastin e modelëve të tij, pasi ata dukeshin të lodhur dhe shumë të uritur, saqë po tërhiqnin veten zvarrë në pasarelë.

I shokuar nga ky dështim i sfilatës 39-vjeçari kaloi një krizë nervore, ku pushoi nga puna 30 veta nga stafi i tij personal duke përfshirë disa nga njerëzit e tij më të besuar.

“Ai njoftoi agjentin e tij që të pushtonte 30 punonjës nga stafi i tij pas shfaqjes së modës dhe fiku numrin e telefonit, në mënyrë që njerëzit mos ta shqetësonin dhe ta kontaktonin atë vetëm përmes e-mail-it. Ai pati një krizë nervore pas shfaqjes, arsyeja e të cilës ishte ajo”, thotë burimi brenda gazetës.

Kanye West nuk ka qenë asnjëherë pro modeleve të dobëta, anoreksike, pasi në syrin e tij ato nuk janë aspak të paraqitshme, përkundrazi duken të frikshme. Nuk ka asnjë problem që modelet të jenë disi të bëshme, por nuk pranon faktin që shumë prej tyre i ranë të fikët në pasarelë.

Shfaqja e mbajtur në natyrë në Ishullin Roosevelt filloi me vonesë nga orari i planifikuar dhe modelet që qëndronin prej disa orësh në këmbë, në orët më të nxehta të ditës nisën që të ndiheshin të lodhura. Disa prej tyre u ulën në bar, ndërsa modelet që ecnin në pasarelë ishin të pafuqishme për të mbaruar të gjithë shfaqjen e tyre. Kanye West u kritikua për planifikimin dhe zbatimin e dobët të shfaqjes së tij.

*Shfleto galerinë

Burimi: Daily Mail