Pak kohë më parë, ajo u përfol për një lidhje me futbollistin shqiptar, Pajtim Kasami. Këngëtarja bukuroshe Nicole Scherzinger nuk kishte shumë kohë që ishte ndarë nga një lidhje disavjeçare me kampionin e Formula 1, Lewis Hamilton.
Edhe pse thashethemet u shuan, duket se Nicole vijon ta ndjekë në “Instagram” futbollistin Kasami. Por ajo që na ra në sy është se ish-vokalistja e grupit “Pussycat dolls”, ndjek në “Instagram” edhe aktorin shqiptar, Blerim Destani.
Aktori është mjaft i njohur në Gjermani dhe jo vetëm. Ai është një mashkull shumë i komentuar për historitë e tij të dashurisë, së fundmi me këngëtaren Bebe Rexha. Deri tani nuk ka asnjë thashethem në lidhje me Nicole-n. Lind pyetja, nga e njeh Nicole, Blerim Destanin?
