“Gjithnjë tradhtar” Thumbi i hidhur i Trixës për Donaldin, që u fshi shumë shpejt

Beatrix Ramosaj thumbon përsëri Donald Veshajn dhe duket sikur “telenovela” e nisur në “Big Brother Vip”, nuk do të mbarojë kaq shpejt.

Këngëtarja postoi në profilin e saj në rrjetin social ‘Twitter’ një staus ku shkruante për tradhtinë.

Konkretisht në statusin e saj thuhet: “Një kujtesë shoqërore për të gjithë. Një herë tradhtar, gjithnjë tradhtar”, krahas një ‘gif-i’ të rrjetit social.

Duke pasur parasysh jetën private të Beatrix Ramosajt, që prej muajsh është komentuar gjatë në media, kuptohet lehtësisht se ky status është një thumb i drejtpërdrejtë ndaj Donald Veshajt. Kjo konfirmohet edhe nga fakti se këngëtarja është penduar dhe e ka fshirë statusin disa momente pas publikimit, por “Iconstyle.al”, ka siguruar foton.

Nuk dihet arsyeja se pse këngëtarja ka vendosur ta fshijë, apo edhe publikojë, megjithatë kjo nuk është hera e parë që ajo thumbon ish-partnerin e saj Donald Veshajn. Romanca e këtij të fundit me Beatrix Ramosajn u zhvillua në sy të publikut pasi dyshja nisën lidhjen e tyre brenda “Big Brother Vip”, të monitoruar nga qindra kamera. Në atë kohë lidhja e Beatrix me Donaldin u cilësua gjerësisht nga ndjekës dhe fansa si “tradhti” e aktorit ndaj moderatores Bora Zemani. M

e këtë status të fundit mund të thuhet se Beatrix Ramosaj bie dakord me këtë etiketimin “tradhtar” ndaj aktorit, pasi nuk ka asnjë deklaratë apo reagim konkret nga ana e saj duke lënë kështu hapsirë për dyshime. Nga ana tjetër statusi mund të interpretohet edhe si deklaratë e këngëtares që aktori fillimisht “tradhtoi” Borën me të, më pas pas bëri të njetën gjë me Beatrix. Mbetet për t’u parë nëse do të ketë një reagim nga ana e Beatrix në lidhje me deklaratën e saj.

Gjithashtu risjellim në vëmendje se vetëm pak ditë më parë qarkulloi një foto e shkrepur nga Beatrix, ku ajo shihej në makinë me Donald Veshajn. Kjo ishte fotoja e parë e ish-çiftit pas daljes nga BBV, madje u dyshua e fotoja është publikuar nga vetë këngëtarja pasi është shkrepur nga ajo.