Ky muaj mund të quhet pa dyshim si muaji i klipeve të reja. Elvana Gjata, Capital T, 2po2, Samanta, Ledri, Genta Ismaili, Butrint Ymeri apo dhe Adruan Bujupi, publikuan pothuajse në të njëjtën kohë këngët e tyre të reja që pritet të kthehen në hite.
Fillimisht erdhi bashkëpunimi i reperit Elinel me këngëtarin Butrint Imeri. Projekti i tyre “Papa” u mirëprit mjaft mirë nga fansat dhe ka arritur mbi 1 milion klikime në Youtube.
Një tjetër bashkëpunim u lançua një ditë me vonë, ajo e Adrian Bujupit me Dalool “E ëmbël”, edhe kjo këngë po klikohet mjaft shumë, plot 664 mijë klikime.
Dita e premte e javës që lamë pas, ishte ditë produktive edhe për reperin 2 Ton, i cili solli për fansat klipin e këngës “Diçka tjetër”, dhe si çdo herë këngët e tij janë të pëlqyera.
Të shtunën erdhën edhe dy projekte tjera, ai i reperit Getinjo ” A moj pare”, si dhe e Samanta Karavella “Si ai”. Që të dyja klipet kanë marrë klikime të shumta brenda pak orëve.
Nuk mund të mungojë Ledri Vula me “A jena mirë” si dhe Genta Ismajli ft MUMA me “Squat Baby”, të cilët publikuan këngët e tyre ditën e diel.
Ndërkaq artistët Elvana, Capital T si dhe 2po2 sollën mbrëmë këngën e tyre të shumëpritur “LEJLA” që padyshim ishte qershia mbi tortë, e cila momentalisht ka marrë mbi 900 mijë klikime.
