Trajneri personal i aktores Margot Robbie ka zbuluar sesi ajo e ruan fizikun e saj të pabesueshëm.
David Higgins thotë se ngrënia e vaktit të mëngjesit është mbivlerësuar dhe beson se të hash për një periudhë kohe prej tetë orësh çdo ditë – është sekreti për të humbur peshë.
“Ndonjëherë nuk keni nevojë të hani mëngjesin”, tha eksperti i stërvitjes, klientet e të cilit janë edhe supermodelet Naomi Campbell dhe Claudia Schiffer.
Ai shtoi se ideja që mëngjesi është vakti më i rëndësishëm i ditës, është një fushatë marketingu e viteve 1940 për të shitur vezë.
Trajneri lavdëroi agjërimin dhe të mos ngrënit për 16 orë të ditës.
Për shumë njerëz, kjo do të thotë të shmangësh mëngjesin, të hash drekë në mesditë dhe të kesh vaktin përfundimtar në orën 20:00.
Po ju do ta bënit dot?
