Një bankë u grabit pasditen e kësaj të hëne në qytetin e Tepelenës.
Sipas raportimeve në media, grabitja ndodhi nga një person i maskuar me rroba ushtarake. Në momentin që hyri në bankë ai mësohet se hodhi një lëndë plasëse, duke krijuar panik mes klientëve dhe punonjësve.
Pasi mori një shumë parash, grabitësi arriti që të largohej nga banka.
Në vendngjarje ndodhen forca policore dhe grupi hetimor, të cilët po punojnë për identifikimin dhe kapjen e autorit.
