Ka qenë deputetja e Vetëvendosjes, ajo e cila ka zbuluar 10 këngët e dashurisë që gjenden në listën e të preferuarave të Albin Kurtit.
Me anë të një postimi në Facebook, Tinka Kurti ka ekspozuar Kryeministrin e Kosovës, në kuadër të mbajtjes së Manifestas (event kulturore) në Prishtinë këtë vit.
“Edhe 25 ditë deri në përfundimin të Manifestas. Të shumtë vizitorët, të shumtë artistët e kontribuesit.
Muzika, kumbimi i këtij organizimi, jehon në hapësirat artistike të Manifestas.Kjo është playlista e Kryeministrit Albin Kurti. Mund ta gjeni në katin e gjashtë i cili i dedikohet dashurisë. 10 këngë dashurie. Rroftë dashuria, poezia e kënga,”-shkruan deputetja krahas një videoje.
Më poshtë gjeni këngët, pse jo mbase ju shërbejnë edhe si një “sugjerim” nga shijet e Albin Kurtit.
Pixies – Hey
Coco – Last of the loving
Tracy Chapman – Fast car
Gloria Lasso – Etranger Au paradis
Mazzy Star – Fade into you
Etta James – Something’s gotta hold on me
Kate Bush – Wuthering heights
Ritfolk – Dëshirë dhe Heshtje
Joy Division – Love will tear us apart
Nina Simone – My baby just cares for me
Ndërkohë, Kryeministri me bashkëshorten dhe vajzën e tij i kanë vizituar veprat e artistëve vendorë e ndërkombëtar që janë pjesë e Manifestas.
“Edhe 25 ditë të Manifesta-s në 25 vende në Prishtinë. Bashkë me Lean dhe Ritën vizituam veprat e artistëve vendorë e ndërkombëtar që janë pjesë e Biennales nomade të artit, Manifesta”, shkroi Kurti në Facebook.
