U përfol gjatë në media dhe më në fund fillimi i kësaj jave (19 shtatori) shënoi fillimin e edicionit të shtatë të “Dance With Me”.
Show i kërcimit mori vëmendje përshkak të personazheve të njohur që morën pjesë si kast dhe jo vetëm edhe jurisë e cila po ashtu përbëhet nga emra të komentuar gjatë në rrjetet sociale.
Pjesë e trupës gjykuese të emisionit të kërcimit në Klan krah Ermal Mamaqit dhe Ilir Shaqirit është edhe Klaudia Pepa.
Balerina e njohur shqiptare la Italinë ku është zhvendosur prej kohësh për t’u rikthyer posaçërisht për “Dance With Me”.
Përpos këtij fakti, pas paraqitjes së parë të Klaudias në këtë emision vëmendje të madhe mori edhe dekolteja e saj. Përdoruesit e rrjeteve sociale vunë re një zmadhim të dukshëm të gjoksit të saj teksa shfaqej më një fustan xhaketë të kuqe.
Edhe po të hidhni një vështrim në fotot e saj të mëparshme vihet re dukshëm dallimi.
T’i jetë bashkuar edhe Pepa trendit të ndërhyrjeve estetike, apo thjesht kemi të bëjmë me disa “truqe” vajzash për t’u dukur më bukur?
Kujtojmë se Klaudia Pepa qenë në qendër të vëmendjes së fundmi, pasi ajo ka realizuar koreografinë e Ronela Hajatit për performancën në Eurovision.
Pavarësisht kritikave, Klaudia është ndier dyfish e emocionuar, duke u shprehur se të kërcente në Itali duke përfaqësuar Shqipërinë ishte diçka e veçantë: “
Jam shumë entuziaste për këtë eksperiencë. Jam dyfish e emocionuar, sepse kërceja në Itali, performoja në Itali, por përfaqësoja Shqipërinë, kështu që ishte diçka shumë speciale” – tha Klaudia më herët në një intervistë duke shtuar se e gjithë skuadra ka pasur një energji shumë të mirë.
